🚜 ਕਿਸਾਨੀ ਖ਼ਬਰਾਂ 🌾

ਦਿਨ ਚੜ੍ਹਨੇ ਸਿਆਲਾਂ ਵਾਲੇ ਸ਼ੁਰੂ ਹੋ ਗਏ,
ਮੁੜ ਗਰਮੀ ਲਿਆ ਕੇ ਛੱਡਾਂਗੇ।
ਝੋਨੇ ਦੀ ਪਰਾਲੀ ਸਾੜ-ਸਾੜ ਮਿੱਤਰੋ,
ਠੰਡ ਆਉਂਦੀ ਪਰਤਾ ਕੇ ਛੱਡਾਂਗੇ।
ਝੋਨੇ ਦੀ ਪਰਾਲੀ…

ਧੂੰਏਂ ਦਾ ਬੱਦਲ ਜੇ ਬਣਾਇਆ ਅਸਾਂ ਨਾ,
ਸਾਨੂੰ ਆਖੂਗਾ ਕਿਸਾਨ ਕੌਣ ਜੀ?
ਤਹਾਂ ਤੱਕ ਸੇਕ ਜੇ ਚੜ੍ਹਾਇਆ ਅਸਾਂ ਨਾ,
ਸਾਨੂੰ ਆਖੂਗਾ ਮਹਾਨ ਕੌਣ ਜੀ?
ਚਾਹੇ ਖੇਤੀ ਵਿੱਚ ਕਿੰਨੀ ਵੀ ਖੜੋਤ ਆ ਜਾਏ
ਤਾਣੀ ਹੋਰ ਉਲਝਾ ਕੇ ਛੱਡਾਂਗੇ।
ਝੋਨੇ ਦੀ ਪਰਾਲੀ…

ਨਦੀਆਂ, ਨਹਿਰਾਂ, ਹਵਾ ਜੇ ਗੰਦੀ ਹੋ ਗਈ,
ਸਾਨੂੰ ਫ਼ਿਕਰ ਕੋਈ ਖਾਣੀ ਨਹੀਂ।
ਮਿੱਟੀ ਦਾ ਕਬਾੜਾ ਭਾਵੇਂ ਹੋਰ ਹੋ ਜਾਵੇ,
ਗੱਲ ਲੋਕਾਂ ਦੀ ਅਸਾਂ ਪੁਗਾਣੀ ਨਹੀਂ।
ਆਉਣ ਵਾਲੀ ਪੀੜ੍ਹੀ ਭਾਵੇਂ ਪੁੱਛਦੀ ਰਹੇ,
ਅਸੀਂ ਗੱਲ ਨੂੰ ਘੁਮਾ ਕੇ ਛੱਡਾਂਗੇ।
ਝੋਨੇ ਦੀ ਪਰਾਲੀ…

ਖੇਤਾਂ ਵਿੱਚ ਜੀਵ-ਜੰਤੂ ਜੇ ਮਰਦੇ ਰਹੇ,
ਸਾਨੂੰ ਕਿਹੜੀ ਪਈ ਪਰਵਾਹ ਜੀ?
ਜ਼ਮੀਨ ਦੀ ਉਪਜਾਊ ਤਾਕਤ ਘਟਦੀ ਰਹੇ,
ਕਹਾਂਗੇ, ਇਹ ਵੀ ਕੋਈ ਗੱਲ ਆ ਜੀ!
ਅੱਜ ਦਾ ਖਰਚਾ ਬਚਾ ਲਵਾਂਗੇ ਭਾਵੇਂ,
ਕੱਲ੍ਹ ਦਾ ਕਰਜ਼ਾ ਵਧਾ ਕੇ ਛੱਡਾਂਗੇ।
ਝੋਨੇ ਦੀ ਪਰਾਲੀ…

ਹਵਾ ਵਿੱਚ ਧੂੰਆਂ, ਸਾਹਾਂ ਵਿੱਚ ਜ਼ਹਿਰ ਹੋਵੇ,
ਫਿਰ ਵੀ ਧੂੰਏਂ ਉੱਤੇ ਮਾਣ ਕਰਾਂਗੇ।
ਬੱਚੇ ਖੰਘਣ, ਬਜ਼ੁਰਗਾਂ ਨੂੰ ਆਵੇ ਸਾਹ ਨਾ,
ਫਿਰ ਵੀ ਆਬੋ-ਹਵਾ ਦਾ ਘਾਣ ਕਰਾਂਗੇ।
ਕੁਦਰਤ ਮਾਂ ਸਮਝਾਵੇ ਜੇ ਵਾਰ-ਵਾਰ,
ਅਸੀਂ ਲੋਕਾਂ ਨੂੰ ਚੰਗਾ ਡਰਾ ਛੱਡਾਂਗੇ।
ਝੋਨੇ ਦੀ ਪਰਾਲੀ...

✍️ https://t.me/KhetibadiPB

[poll]

ਦੋ ਲੰਬਰ ਚ ਬਾਹਰ ਜਾਣ ਲਈ ਏਜੰਟ ਨੂੰ 35 ਲੱਖ ਫੜਾ ਕੇ ਆਏ ਜੱਟਾਂ ਦੇ ਮੁੰਡੇ ਨੂੰ ਸੁਪਨੇ 'ਚ ਪੜਦਾਦੇ ਨੇ ਪੁੱਛਿਆ, ਸ਼ੇਰਾ ਬਾਹਰ ਕੀ ਕਰਨ ਜਾਣਾ..?

ਬਾਬਾ ਕਮਾਈਆਂ ਕਰਨ ਜਾਣਾ

ਕਮਾਈਆਂ ਕਰਕੇ ਫੇਰ ਕੀ ਕਰੇਂਗਾ..?

ਬਾਬਾ ਓਧਰ ਘਰ-ਬਾਰ ਬਣਾਮਾਂਗੇ...

ਏਧਰ ਘਰ ਹੈਨੀ ਬਣਿਆ ਵਾ, ਜੋ ਓਧਰ ਜਾ ਕੇ ਬਣਾਏਂਗਾ, ਨਾਲੇ ਜਿੱਡਾ ਕੁ ਓਦਰ ਬਣੂ ਏਧਰ ਤੂੜੀ ਆਲਾ ਕੋਠਾ ਛੱਤਿਆ ਆਪਣੇ

ਬਾਬਾ...ਊਂ ਊਂ ਊਂ

ਊਂ ਊਂ ਕੀ... ਹੁਣ ਦੇ ਜਵਾਬ... ਸੌਹਰੀ ਦਿਓ, ਬਾਹਰ ਜਾ ਕੇ ਨਾਲੇ ਘਰ ਦਿਆਂ ਤੋਂ ਦੂਰ ਹੁੰਨੇ ਓਂ, ਪੰਜਾਬ ਨਾਲੋਂ ਟੁੱਟਦੇ ਓਂ, ਕਰਜ਼ੇ ਦੀ ਚਿੰਤਾ ਅੱਡ, ਬੁੜੀਆਂ ਥੋਡੀਆਂ ਡੇਰੀਂ ਗੇੜੇ ਕੱਢੀ ਜਾਂਦੀਆਂ... ਅਸੀਂ ਵੀ ਕਮਾਈਆਂ ਕੀਤੀਆਂ, ਪੰਜੀ ਨੀ ਸੀ ਚੱਕੀ ਕਿਤੇ

ਏਨੇ ਨੂੰ ਚੋਬਰ ਦਾ ਸੁਪਨਾ ਟੁੱਟ ਗਿਆ, ਹੱਥ ਚ ਸਵਾ ਲੱਖ ਆਲਾ ਆਈਫੂਨ ਲੈ ਕੇ ਵੇਹਲੜ ਸਹੇਲੀ ਦੇ ਆਏ ਸੌ ਕੁ ਮੈਸਜ ਪੜ੍ਹਨ ਲਾਗਿਆ...

✍️ https://t.me/KhetibadiPB